給face雜誌的記者ivy -MLA

my little airport - 給face雜誌的記者ivy


lyrics and music by 阿p

五月十八號你打黎約我做訪問
話想知道關於我地首＜please die Donald Tsang＞
聽到你係FACE已經覺得有d甘
同你三唔識七受害應該都係我本人

我話唔得閒亦唔想做你訪問
但你打好幾次黎又態度好誠懇
所以我都俾你係個電話度問
總好過你完全亂作我個心係咁諗

開始既時候你都係正常咁問
除左無啦啦問我有無女友同佢點諗
我再三叮囑唔好寫我正職身份
你話都唔知我返乜工又點會有可能

第日我個friend打黎話見到個訪問
而且當中仲問埋我間公司既高層
果個仲要係陳志雲
問佢點樣睇呢位員工既呢一首作品

Ivy我知你本身不是這種人
我們都一樣低薪兼出賣靈魂
但公司裁員時不會講社會責任
你又何必賣力到賣埋自已既良心

Ivy我知近年畢業是很不幸
讀書時你應該無諗要過呢種人生
仲要寫多幾多期同害多幾多個人
夏天來了不如轉下份工唔好再等

當你仲可以既時候要趁早起行